பாடசாலைகளுக்கான விடுமுறை தொடர்பில் வெளியான முக்கிய அறிவிப்பு!

அரசு மற்றும் அரச அங்கீகாரம் பெற்ற பாடசாலைகளின் முதலாம் தவணைக்கான இரண்டாம் கட்டம் நாளை மறுதினம் (11.04.2025) முடிவடையவுள்ளது. இந்நிலையில், மூன்றாம் கட்டம் ஏப்ரல் 21 ஆம் திகதி தொடங்கி மே 9 ஆம் திகதி முடிவடையும் என்று கல்வி அமைச்சு அறிவித்துள்ளது.

மேலும், கடந்த காலத்திலிருந்து முடிந்த தரம் 5 புலமைப்பரிசில் பரீட்சை பெறுபேறுகளின் அடிப்படையில், தரம் ஆறுக்கான விண்ணப்பங்களை இணையவழியில் சமர்ப்பிக்க முடியும் என கல்வி அமைச்சு தெரிவித்துள்ளது.

இந்த விண்ணப்பங்களை இன்று (09.04.2025) முதல் ஏப்ரல் 30 ஆம் திகதி வரை (http://g6application.moe.gov.lk) என்ற இணையதளத்தில் சமர்ப்பிக்கலாம். 

அதிகபட்சமாக 3 பாடசாலைகளுக்கு மேன்முறையீடுகளை சமர்ப்பிக்க முடியும் என்று கல்வி அமைச்சு தெரிவித்துள்ளது. இந்தக் குறித்த விண்ணப்பங்கள் மற்றும் வழிமுறைகளை கல்வி அமைச்சின் அதிகாரப்பூர்வ வலைத்தளமான [www.moe.gov.lk](http://www.moe.gov.lk) இல் பெற முடியும்.