நாட்டில் குறைந்த வருமானம் பெறும் குடும்பங்களுக்கு வெளியான நற்செய்தி!

அடுத்து வரவிருக்கும் தமிழ் மற்றும் சிங்கள புத்தாண்டின் போது, வாழ்க்கைச் செலவைக் குறைத்து மக்களின் உணவுப் பாதுகாப்பை உறுதி செய்யும் நோக்கில், அஸ்வெசும காத்திருப்போர் பட்டியலில் உள்ள 800,000 குடும்பங்களுக்கு சதோச விற்பனை நிலையங்கள் மூலம் தள்ளுபடி விலையில் உணவுப் பொதிகளை வழங்க திட்டமிடப்பட்டுள்ளது.

அதன்படி, ரூ. 5000 மதிப்புள்ள அத்தியாவசிய உணவுப் பொருட்கள் அடங்கிய பொதியை 50% தள்ளுபடியில், அதாவது ரூ. 2,500 இற்கு பெற வாய்ப்பு கிடைக்கும். இந்த சிறப்பு தள்ளுபடி, தற்போது அஸ்வேசும பயனாளிகளாகப் பதிவுசெய்யப்பட்டு காத்திருப்போர் பட்டியலில் உள்ள 812,753 குடும்பங்களுக்கு கிடைக்கவுள்ளது.

லங்கா சதோசவால் உள்ளடக்கப்படாத பகுதிகளில் உள்ள தகுதியான பயனாளிகளுக்கு தேர்ந்தெடுக்கப்பட்ட கூட்டுறவு விற்பனை நிலையங்களின் மூலம் இந்தப் பொதியை பெற முடியும்.

இந்தத் திட்டம் ஏப்ரல் 1ஆம் திகதி தொடங்கி ஏப்ரல் 13ஆம் திகதி வரை மட்டுமே நடைமுறையில் இருக்கும், மேலும் குறித்த நிவாரணம் தகுதியான பெறுநர்களுக்கு முறையாக விநியோகிக்கப்படுவதை உறுதி செய்வதற்கான வழிமுறைகள் நடைமுறையில் உள்ளதாக தெரிவிக்கப்பட்டுள்ளது.

இதன் மூலம், தற்போதைய அரசாங்கம் ஆட்சிக்கு வந்து கொண்டாடப்படும் முதல் தமிழ் மற்றும் சிங்கள புத்தாண்டின் போது மக்கள் அத்தியாவசிய உணவுப் பொருட்களை தட்டுப்பாடு இல்லாமல் பெற முடியும் என எதிர்பார்க்கப்படுகிறது.